::. HELENA ORTIZ .::. ONGI ETORRI .::

Sorgintzak lagun diezaizuke. Aproba egin    |    Telefonoak: 94 499 01 04 (Bilboko bulegoa) eta 652 75 22 79 (Sakelakoa)    |    E-mail: helenaortiz@bilbao.com    |    Goizero COPE-Bilbao irratian (FM 97.8)    |    Aldizkari honetan ere aurki nazakezu: La Ría del Ocio.
helenaortiz@bilbao.com
Tel. 94 499 01 04
Sakelakoa 652 75 22 79

Ongi etorri

SORGIN ETA BELAGILEEN AHOTSA ez da betiko mututu, zenbaitek nahi zukeen bezala. Aitzitik ere, arbasoen sinesmenak bizi-bizirik dirau oraino gu guztion baitan. Mundu honetan ez dago gizakirik bat ere magiaren eraginik inoiz somatu ez duenik. Eta horixe da ziberespazioko bazter xume honetatik eskaintzen dizudana: betidaniko sorginen jakinduria eta etorkizunari aurre egiteko aukera. Hitz bakar batean esanda, itxaropena. 

Nik beti esan dut, izarrek batera edo bestera makurtzen dutela norberaren asturua, baina haiek markaturiko zoria ez dela inondik ere noraezekoa. Horregatik uste dut Tarot kartak, haietan azaltzen diren hieroglifikoak ondo irakurrita, erabat baliagarri suerta daitezkeela etorkizun hurbileko gertakizunak aurrikusi eta aldatzeko, hala behar izanez gero.

Baina badira beste gauza batzuk Tarotaren bitartez ezin konpon daitezkeenak, eta horrexetarako daude antzinako Sorgintzaren baliabideak. Sorgintzak ez du soilik balio begizkoak sendatzeko, izan ere, begizkoak jota daudela uste dutenen artean, ehuneko bat begizkoak jota dago benetan. Edozein modutan, begizkoaren indar gaizto hori bene-benetakoa denean, jota dagoenaren zortea, osasuna eta nortasuna bera ere arriskuan gerta daitezke.

Niretzat, Sorgintza nork bere burua ezagutu eta hezitzeko bidea da, Magiaren eta Fantasiaren bidezidorretan barna eramaten gaituena Ama Lurraren ezkutuko esentzietaraino. Horixe da, behinik behin, Wicca Tradizioko Sorgintzari jarraitzen diogunok sinesten duguna.